Belaunaldien arteko Elkartasunaren Mugaz Gaindiko I. Topaketa · Transis Lab – EFA176/06

Belaunaldien arteko Elkartasunaren Mugaz Gaindiko I. Topaketa, hurrengo otsailaren 5ean egingo da, 08:30etik 13:00etara, Europa Biltzar Jauregian (Gasteiz). Topaketa honek Transis Lab. Belaunaldien arteko Elkartasunari buruzko Mugaz Gaindiko Lankidetza proiektu europarraren aurkezpen publikoa markatzen du, POCTEFA eremuan belaunaldien arteko elkartasun modu berriak bultzatzen dituen ekimena.

“Belaunaldien artean etorkizunak eraikitzen: belaunaldien arteko politikak eta esperientziak” lelopean, jardunaldiak Euskadi, Nafarroa, Akitania Berria eta Pirinio Garaietako arduradun instituzionalak, adituak eta jardunbide egokien ordezkariak bilduko ditu, egungo gizarte-erronka nagusiei erantzuteko belaunaldien arteko elkartasuna nola indartu hausnartu eta esperientziak partekatzeko helburuarekin.

Topaketa Eusko Jaurlaritzako Ongizate, Gazteria eta Erronka Demografikoko Sailburu Nerea Melgosaren irekiera instituzionalarekin hasiko da, non belaunaldien arteko ekitateak eta elkartasunak gizarte-politiketan eta ekintza publikoan duten gero eta garrantzia handiagoa azpimarratuko du. “Belaunaldien arteko elkartasuna, lehiakortasunerako eta ongizate inklusiborako zutabea” izeneko hitzaldi nagusia Josep Solerrek emango du, Orkestra – Lehiakortasunerako Euskal Institutuko ikertzaileak. Bere hitzaldia berrikuntza sozialean, zaintzan eta belaunaldien arteko elkartasunean oinarrituko da, Eurorregio kohesionatuago baterako giltzarri gisa.

Programak Transis Lab. Belaunaldien arteko Elkartasunaren Mugaz Gaindiko Lankidetza proiektuaren aurkezpenarekin jarraituko du Txema Ezkerraren eskituik, Dibertsitate, Elkarbizitza eta Belaunaldien arteko Elkartasuneko zuzendaria. Honek, proiektuaren helburuak, esperientzia pilotuetan oinarritutako estrategia eta politika publikoetan eragiteko duen bokazioa azalduko du.

Jardunaldiaren une nagusietako bat “Belaunaldien arteko loturak: belaunaldien arteko elkartasunean jardunbide egokiak” gunea izango da, bertan eskualde bakoitzeko belaunaldien arteko elkartasunean jardunbide egoki baten arduradun den pertsona batek hartuko du parte. 

Topaketa Txema Ezkerraren eskutik amaituko da; jardunaldiko emaitzak laburbildu eta Transis Lab-en konpromisoak eta hurrengo urratsak aurkeztuko ditu. Saioa amaitutakoan, lunch bat zerbitzatuko da giro lasaiago batean iritziak trukatu ahal izateko.

Bitartean, formulario honen bidez zure plaza gordetzea gonbidatzen zaitugu:

Izena ematerakoan, baieztapen-mezu bat jasoko duzu posta elektronikoan. Zure sarrerako erretilu nagusian ez baduzu ikusten, “Jakinarazpenak” edo “Spam” karpetara jo.

Arazorik izanez gero, guregana jo baino ez duzu ondorengo helbide elektronikoaren bidez: .